Siglir tar il cuntegn

Header

audio
Per tadlar: las novitads da las 9:00
Or da RTR Audio dals 16.11.2022.
laschar ir. Durada: 3 minutas 12 Secundas.
cuntegn

Chantun Grischun Nov post per prevenziun da violenza

La polizia duai pudair reagir meglier sin privels da violenza. In post spezialisà duai scuvrir sch'i dat ristgas e reagir a moda preventiva. Fin uss na datti nagin post che surpiglia quai.

Il nov post duai sa drizzar cunter tuttas furmas da violenza. Betg mo cunter stalking e violenza a chasa, ubain era sch'i dat privel u smanatschas cunter scolas ed uffizis. Quai scriva il chantun Grischun en ina communicaziun.

Intervegnir avant ch'i dat violenza

A lunga vista saja la finamira d'evitar violenza. Persunal spezialisà duai retschertgar davart privels, coordinar la collavuraziun tranter uffizis e scolar auters uffizis. Il coc dal post duain esser persunas or da la polizia, la psichologia forensica e la lavur sociala.

Fin uss vegn la lavur da prevenziun surpigliada da pliras persunas ed uffizis en moda decentralisada. Per stgaffir il post ha la regenza dà l'incumbensa da lavurar ora ina basa legala. Il post duai appartegnair tar la Polizia chantunala.

RTR novitads 09:00

Artitgels legids il pli savens

Scrollar a sanestra Scrollar a dretga