Siglir tar il cuntegn

Header

cuntegn

Rapport europeic Svizra sto far dapli cunter violenza cunter dunnas ed a chasa

La Svizra sa stenta gia cun bainquantas mesiras cunter violenza a chasa e violenza cunter dunnas, ma stoppia far anc dapli. Uschia èsi da leger en in rapport dal Cussegl da l'Europa ch'ha laschà examinar la realisaziun da la Convenziun dad Istanbul en Svizra.

Tranter auter duai la Svizra schlargiar il tema violenza a chasa sin autras furmas da violenza cunter dunnas. Er stoppia la Svizra rimnar dapli datas sur da las differentas furmas da violenza, ha communitgà l’Uffizi federal per l’egualitad tranter dunna ed um.

Ultra da quai stoppia la Svizra adattar il dretg penal sexual. Quel è pendent en il parlament federal en il senn da «Mo GEA munta GEA». Il gremi d’expertas ed experts internaziunal ha da controllar co che l’uschenumnada Convenziun dad Istanbul vegn applitgada ch'è envigur en la Svizra dapi l’avrigl 2018.

audio
Per tadlar: curt e cumpact
ord RTR Audio dals 15.11.2022.
laschar ir. Durada: 51 Secundas.

RTR novitads 17:00

Artitgels legids il pli savens

Scrollar a sanestra Scrollar a dretga