La regenza grischuna ha nominà Pascal Porchet sco nov manader da l'Uffizi da militar e da protecziun civila. El vegn a surpigliar questa funcziun l’entschatta da l’auter onn ed uschia succeder a Martin Bühler che daventa lura cusseglier guvernativ.
Porchet ha 50 onns e tranter auter lavurà en il sectur da finanzas. Sco ultim ha el lavurà per la Crusch Cotschna Internaziunala a l’exteriur e manà differentas delegaziuns e missiuns. Dapi il 2018 è el schef dal stab Operaziuns globalas da la Crusch Cotschna internaziunala.
L'Uffizi da militar e da protecziun civila ha la direcziun generala da la protecziun da la populaziun en il sectur da las planisaziuns da provediment ed è responsabel per ils secturs Protecziun civila edifizis e Protecziun civila acziun/instrucziun.