Suenter la separaziun da sia dunna e las treis figlias il 2017 aveva Adam Quadroni pretendì il dretg da tgira per ses uffants. En sia decisiun dal november passà haveva la dertgira cantunala adattà differents puncts dall’instanza precedenta. Uschia ha ella annullà il dretg da la mumma da decider davart il lieu da dimora dils uffants ed aveva era precisà ch’ils contacts per telefon tranter bab e figlias na vegnian betg survegliads. Plinavant aveva la dertgira era definì l’autezza dals aliments.
En sia decisiun publitgada oz refusa il Tribunal federal il recuors da Quadroni. Tranter auter na dattan els betg suatientscha a la pretensiun da reducir l'autezza dals aliments.