Sco la Posta Ladina rapporta, n’accepta SRF betg la decisiun da l’Instanza independenta da recurs da radio e televisiun UBI e tira vinavant il cas al Tribunal federal a Losanna.
La UBI aveva decidì l’avust passà en ina sentenzia fitg stretga, ch’il film documentar davart il whistleblower Adam Quadroni cuntrafetschia al principi d’objectivitad. Inoltrà il recurs aveva Not Carl, giurist ed anteriur president communal da Scuol, avant bun in onn.
Il president da la dretgira regiunala d’Engiadina Bassa, na saja betg vegnì purtretà cun la diligenza necessaria en il film che SRF aveva emess ils 4 da december 2019. Quai in dals puncts che la UBI ha crititgà.
La pledadra da medias da SRF ha confermà a la Posta Ladina ch’il cas è vegnì tratg vinavant a Losanna. Infurmaziuns davart il cas pendent, na dettia naginas.
