L’administraziun da taglia dal Grischun ha per dretg laschà segirar 50 milliuns francs da Remo Stoffel. Il Tribunal federal ha refusà in recurs da l'interprendider d’immobiglias. Quai resulta da la sentenzia ch'è vegnida publitgada la gievgia.
L’onn passà aveva l’administraziun retratg 50 milliuns francs da Stoffel per la perioda da taglia 2005 fin 2008. Quai suenter che Stoffel aveva decis da midar ses domicil da Cuira a Dubai. Stoffel ha argumentà avant Tribunal federal senza success, ch’el aveva gia deponì il 2013 aczias da sia firma sco garanzia.
audio
Per tadlar: Las novitads da las 18:00
ord RTR Audio dals 03.12.2020.
laschar ir. Durada: 6 minutas 7 Secundas.
