La gruppa d'immobiglias Priora da l'interprendider Remo Stoffel sto pajar suenter 60milliuns francs taglia anticipada. Avant il Tribunal federal ha Priora pers ina dispita giuridica cunter l'Administraziun federala da taglia. Ses pledader ha confermà in rapport da la «handelszeitung.ch». Il Tribunal federal a Losanna è suandà l'argumentaziun dal Tribunal administrativ federal da l'entschatta da matg.
Uschia sto la firma da Remo Stoffel pajar suenter per la perioda dal 2005 fin 2008 radund 60,4 milliuns francs taglia anticipada. Da quella summa sajan 2,8 milliuns francs surannads. La pretensiun da taglia sa basa sin in emprest d'acziunaris da 188 milliuns francs ch'era vegnì concedì ad ina firma antecessura da la Priora.
audio
Per tadlar: Las novitads da las 18:00
ord Novitads dals 03.06.2020.
Maletg: RTR
laschar ir. Durada: 5 minutas 31 Secundas.
