A partir da mardi porscha il chantun Grischun ina nova lingia da telefon per agid psicologic. La «helpline Grischun» saja l'emprim post da consultaziun per agid en situaziuns d'urgenza en connex cun la situaziun extraordinaria da la pandemia, scriva il chantun.
En in discurs da sustegn dattan persunas spezialisadas cussegliaziun a persunas che tschertgan agid. Ellas las rendan attent a purschidas en il chantun Grischun e las renvieschan – en cas da basegn – als posts correspundents.
La helpline è cuntanschibla mintga di da las 09.00 fin las 17.00. Quai sut il numer da telefon 081 254 16 36.
Ord l'archiv:
audio
Corona e violenza a chasa: Nua datti agid en il Grischun?
ord Actualitad dals 27.03.2020.
laschar ir. Durada: 3 minutas 52 Secundas.
