Startups cun bunas perspectivas che han stretgas da liquiditad pervia dal coronavirus vegnan sustegnids cun garanzias. Sco startups valan societads ch'èn vegnidas inscrittas en il register da commerzi suenter il 1. da schaner 2010, dentant avant il 1. da mars 2020. Sustegnidas vegnan exclusivamain societads ch'èn activas en ils secturs da la scienza e da la tecnologia. Quels credits vegnan garantids per 65% da la Confederaziun e 35% dal chantun. Las interpresas ston pajar enavos ils credits entaifer 10 onns.
Garanzias da maximalmain 3 milliuns per il Grischun
Il volumen total da las garanzias da la Confederaziun e dals chantuns a favur da startups en tut la Svizra na dastga betg surpassar 154 milliuns francs. Per il Grischun ha la Regenza concludì da conceder garanzias da trais milliuns francs.
Ord l'archiv
Al Forum d'interprendiders giuvens grischuns a Cuira è vegnì surdà il premi per l'interprendider giuven da l'onn: Quai a Heidi Laurent-Domenig da l'Engiadina.
