Siglir tar il cuntegn

Header

Video
Sentenzia process Allemann Zinsli & partenari
Or da RTR dals 20.11.2019.
laschar ir
cuntegn

Allemann Zinsli & partenari 5 onns praschun per l'accusà

Il procuratur public ha vulì 7 onns praschun per il delinquent, il defensur 3 onns. L'accusà sto ussa ir 5 onns en praschun. La dretgira è pia stada exact tranter quellas duas pretensiuns. La dretgira ha resguardà che l'accusà ha concedì tut ils fatgs uschia ch'il cas ha svelt pudì vegnir sclerì uschiglio fiss la procedura ida bler pli ditg. Plinavant ha la dretgira resguardà ch'il sentenzià aveva in regl da giugar e ha perquai speculà a moda ristgusa a la bursa e ch'el aveva il davos depressiuns. La sentenzia po anc vegnir tratg vinavant a la dretgira chantunala.

En in auter punct è la dretgira dentant stada dira: Il defensur aveva proponì in project da recumpensaziun. Enstagl che ses mandant stoppia pajar enavos ils donns da milliuns ch'el ha chaschunà tar ses clients, dueva el pajar mintga mais 5'000 francs fin tar sia pensiun. Sin questa proposta è la dretgira betg entrada.

L'accusà ha mussà ricla

Avant la Dretgira regiunala Plessur ha l'accusà concedì tut ils fatgs che la procura publica renfatscha ad el. Sco persuna privata ha el fatg fatschentas ristgadas a la bursa. Entaifer 7 onns ha el cumprà aczias per 56 milliuns francs e vendì aczias per 50 milliuns. Per esser liquid, è el sa servì tar ses clients: Vul dir, u tar las uniuns, nua ch'el era cassier u tar ils clients da la Allemann Zinsli & partenari, nua ch'el era gestiunari. Per zuppar tut quai ha el sfalsifitgà rendaquints e contracts.

RTR novitads 17:00

Ord l'archiv: