En ils blers territoris da skis cuzza la stagiun d'enviern fin glindesdi da Pasca, pia ils 22 d'avrigl. Tranter els ils territoris a Scuol, Flem Laax Falera, Tavau sco era Arosa-Lai.
Oravant tut territoris pli pitschens serran però mez mars. tranter els il territori da skis Minschuns en Val Müstair (24.03), Savognin (31.03) e Grüsch-Danusa (31.03).
Il pli ditg avert èn las pistas en Engiadin'Ota. En il territori da Skis San Murezzan Diavolezza va la stagiun fin ils 5 da matg. Suenter po ins anc ir cun skis, fin che la naiv da la pista fin giu la val saja luada – scriva l'uniun da turissem da San Murezzan sin la pagina d'internet.
RR actualitad 11:00
