Siglir tar il cuntegn

Header

cuntegn

Apero da Bumaun Grischun Vacanzas fa viva sin l'onn nov

Mintg'onn organisescha l'organisaziun turistica «Grischun Vacanzas» in apero da Bumaun. Quai per dar in sguard enavos sco er enavant.

Durant l'apero da Bumaun da Grischun Vacanzas s'inscuntran ils responsabels dal turissem grischun per giavischar in bun onn nov. L'atmosfera è buna, probabel er pervi da las bunas cifras sur ils dis da festa.

Per l'onn 2020 vul Grischun Vacanzas sa focussar pli ferm sin ils giasts dals Stadis Unids, da la China e dals Pajais dal Golf. Co ch'il manader da «Grischun Vacanzas» Martin Vincenz ha ditg durant l'apero vulan ins attrair dapli giasts or da quellas regiuns dal mund. Quels duessan «emplenir ils letgs che restan uschiglio fraids». Concret vul l'uniun turistica chattar dapli partenaris en quels stadis. Il Grischun sia en quels lieus fitg pauc enconuschent. Las differenzas culturalas ed las disas en quels pajais vegnian dentant ad esser ina sfida.

RTR actualitad 11:45