Siglir tar il cuntegn

Header

purtret da dus glas cun en mel d'aviuls.
Legenda: Apisuisse
cuntegn

Apicultura Buna racolta da mel

Ils apiculturs grischuns han pudì racoltar quest onn bler mel, cumpareglià cun ils davos onns. Fitg buna è sur tut stada la racolta da la primavaira, sco la Federaziun dals apiculturs e da las apiculturas Apisuisse communitgescha. Lura han ils apiculturs grischuns pudì racoltar prest dubel uschè bler mel sco l'onn avant. Percunter hai dà la stad in quantum mediocher mel en il Grischun – in zic pli pauc ch'il 2019.

Bun clima

Las cundiziuns climaticas sajan stadas bunas quest onn per ina detga racolta, scriva Apisuisse. En Svizra hai dà en media 30 kilos mel per pievel d'avieuls – l'onn passà èn quai sulet stads 13 kilos.

Purtret da la carta svizra cun si ils singuls chantuns. Da vesair è ch'il Grischun
Legenda: En Grischun è vegnì racoltà en media 24,7 kilos mel per pievel. Gì in fitg bun onn han ils chantuns Genevra, Neuchâtel, Giura e l'Argovia cun passa 40 kilos per pievel. Apisuisse

Ord l'archiv:

video
Bainbaud datti mel d’avieuls
Or da Actualitad video dals 29.06.2019.
laschar ir

RTR novitads 17:00

Artitgels legids il pli savens

Scrollar a sanestra Scrollar a dretga