Siglir tar il cuntegn

Header

cuntegn

Appel d'annunzia Gia 960 respostas sin appel dal chantun

In grond resun ha il chantun survegnì sin ses appel a persunas da tgira che n'èn betg pli activas. Passa 960 persunas cun ina professiun da tgira sajan s'annunziadas, quai ha inditgà il post da coordinaziun coronavirus dal Grischun a las gasettas da la Somedia. Ed els hajan cumenzà a reparter las persunas tenor lur scolaziun, ha il chantun fatg a savair. Anc n'èn dentant naginas persunas supplementaras activas en ils ospitals. Il program haja pir cumenzà.

Avant in'emna aveva il chantun intimà las persunas da tgira betg activas, da s'annunziar per pussaivels engaschis en connex cun il coronavirus. Il chantun vul uschia sa preparar il pli bain pussaivel per il cas ch'ils ospitals vegnan dumandads pli ferm en la crisa da corona.

Las persunas che sajan s'annunziadas fin uss vegnian da tuttas spartas da la tgira, da la medischina intensiva a spitex fin a la tgira psichiatrica. Er tuttas classas da vegliadetgna sajan s'annunziadas, da quellas en scolaziun fin a talas gist pensiunadas.

RTR novitads 07:00