Cun grond plaschair ha Marcus Gschwend, il gestiunari da las pendicularas grischunas, perseguità las decisiuns dal Cussegl federal. El è levgià, che las pendicularas pon prest puspè avrir.
Surprais fitg positiv. Nus avain grond plaschair da pudair far ir puspè nossas pendicularas.
Impurtant saja per las pendicularas surtut, ch'ellas dastgian avrir lur manaschis gia ils 6 da zercladur, pia ina sonda. Uschia gudognian els anc ina fin d'emna.
Bel, dentant nagina surpraisa
Che las pendicularas dastgan avrir puspè, cun quella decisiun haja la branscha schon quintà. Autras decisiuns fissan stà ina surpraisa. Intginas pendicularas hajan schon cumenzà a planisar ed ad instruir il persunal per l'avertura. Er ils concepts da protecziun, che mintga manaschi sto avair, sajan sin buna via.
La gronda part da las pendicularas restan dentant anc serrà in temp. La gronda part cumenza cul manaschi la mesadas da zercladur.