Siglir tar il cuntegn

Header

Pendiculara da la Klewenalp sur il Lai dals Quatter Chantuns.
Legenda: Las Pendicularas svizras pretendan dal Cussegl federal da lubir il manaschi a partir dals 11 da matg u dals 8 da zercladur. Keystone
cuntegn

Il pli tard il zercladur Pendicularas vulan avrir pli baud

Las Pendicularas svizras vulan puspè prender si lur manaschi e quai parallel tar il traffic public, pia ils 11 da matg u il pli tard ils 8 da zercladur – quai cun resguardar las ordinaziuns da l'Uffizi federal da sanadad. La Federaziun da branscha da las pendicularas saja londervi dad elavurar in concept per la protecziun da la sanadad. Las mesiras duajan s'orientar a quellas dal traffic public, scrivan las Pendicularas svizras en ina communicaziun.

Els sajan persvas da pudair transportar ils giasts a moda segira en ils culms, vegn cità il directur ad interim la las pendicularas, Sepp Odermatt. Ultra da quai cuzzia in viadi cun pendiculara be paucas minutas, pia pli pauc ditg ch'ils blers viadis cun il traffic public.

Gia passa 300 milliuns francs perditas

Per las pendicularas e per l'entir turissem alpin saja enorm impurtant da pudair cumenzar cun la stagiun da stad, sche la situaziun da sanadad permettia quai, scrivan las pendicularas vinavant. Las consequenzas da las mesiras cunter il coronavirus sajan considerablas per las pendicularas. Passa 300 milliuns francs entradas haja la branscha pers enfin la fin d'avrigl e 10'000 collavuraturs sajan pertutgads.

Grafica cun datas.
Legenda: RTR, grafica

Ord l'archiv da SRF:

video
Crisa da corona: La branscha da turissem ston anc spetgar
Or da Schweiz aktuell dals 17.04.2020.
laschar ir

RTR novitads 14:00

Artitgels legids il pli savens

Ir a sanester Ir a dretg