Siglir tar il cuntegn

Header

cuntegn

BAG annunzia 444 novs cas 13 novas infecziuns en Grischun

Suenter in'emna cun tut en tut be nov infecziuns novas dal coronavirus, annunzia il chantun Grischun la dumengia gist 13 novas infecziuns. Actualmain datti uschia 28 cas activs da Covid-19 en Grischun. Ultra da quai èn 114 persunas en quarantina. En ils ospitals dal chantun na sto actualmain nagin vegnir tractà pervi dal coronavirus.

Il terz di en seria sur 400 novas infecziuns

Per la Svizra ed il Principadi dal Liechtenstein annunzia il BAG la dumengia 444 novas infecziuns. Ultra da quai è ina persuna morta en connex cun il coronavirus. En tut èn uschia mortas en Svizra ed il Principadi da Liechtenstein 1'733 persunas en connex cun Covid-19.

Gia il venderdi e la sonda è la marca da 400 novas infecziuns vegnida surpassada – quai cun 405 respectiv 425 cas. Dapi mez avrigl eran las cifras fin là adina stadas sut quella marca.

Pervi dal contact tracing sa chattan en Svizra ed il Principadi dal Liechtenstein actualmain 1'641 persunas en isolaziun e 4'924 persunas en quarantina. Ultra da quai èn 7'559 persunas en quarantina, perquai ch'ellas en viagiadas d'in pajais da risico en Svizra.

video
Ord Tagesschau: Pon ins remplazzar la quarantina cun tests?
Or da Tagesschau dals 06.09.2020.
laschar ir. Durada: 2 minutas 4 Secundas.

RTR novitads 14:00

Artitgels legids il pli savens