Siglir tar il cuntegn

Header

cuntegn

Bars ed ustarias serradas Vias vidas a Cuira

Suenter las mesiras pli rigurusas dal chantun en connex cun il coronavirus èn las vias ed ils locals a Cuira restads quasi vids la sonda saira.

Las vias èn vidas, ils clubs èn stgirs ed en las bars na va nagina musica. Uschia ha quai vesì ora la fin d'emna en la chapitala da noss chantun. Il chantun ha gì ordinà il venderdi passà da serrar bars da musica e clubs pervi da la derasaziun rasanta dal coronavirus. Tuttina han tscherts locals chattà vias da laschar avert lur locals. Dentant mo paucas persunas èn era propi idas a baiver ina biera la sonda saira.

Video
Vias vidas a Cuira
Or da Actualitad video dals 16.03.2020.
laschar ir

Ideas creativas

Pervia da la situaziun da miseria naschan dentant era novas ideas. Uschia ha l'ustaria «da Noi» per exempel decidì da purtar a chasa als giasts lur spezialitads a partir da quest'emna. Quai pudess forsa esser in'idea per il futur, damai ch'il chantun ha decidì la dumengia saira, che tut ils locals da gastronomia vegnan serrads.

RTR Telesguard 17:40