Cumpareglià cun la medema perioda da l'onn avant han las pendicularas grischunas registrà fin la fin da mars 18% damain giasts durant la stagiun d’enviern. Cumpareglià cun la stagiun d’enviern 2018/19 saja la svieuta sa reducida per 11%. Quai scrivan las Pendicularas Svizras.
Il monitoring da las pendicularas grischunas dal mars ha constatà che la stagiun saja cumparegliabla cun onns da crisa:
Grondas differenzas regiunalas en Svizra
En l’entira Svizra saja il dumber dals giasts e la svieuta sa reducids il mars per mintgamai 24%. I manchian oravant tut giasts da l'exteriur.
La bilantscha en il Vallais ed ils chantuns da la Svizra Centrala è pli bassa che quella dal Grischun. Sulettamain la regiun dal Tessin ha cun 73% pudì registrar in augment da svieuta, quai grazia al dumber da giasts ch'è creschì.
Malgrà la bell’aura e la buna situaziun da naiv na quintan las Pendicularas Svizras betg che las cifras sa revegnian fin la fin da questa stagiun.
