Tut en tut è il dumber creschì sin 3,2 milliuns pernottaziuns. Sulet il mais fanadur han ils hoteliers grischuns nudà 580'000 pernottaziuns. Tenor l'Uffizi federal da statistica van bunamain 60% da las pernottaziuns en il Grischun sin il conto da giasts svizzers.
L'entira Svizra ha dumbrà ils emprims set mais da l'onn in plus da 4% cun 22,8 milliuns pernottaziuns. Sur l'entira Svizra van 12,6 milliuns pernottaziuns sin il conto dals giasts da l'exteriur.
Grondas differenzas tranter las regiuns
Val, il Signuradi u er il Puschlav pon nudar in cler augment. Passa 13% en il Signuradi e schizunt passa 50% a Val. Percunter nodan la Bregaglia, l'Engiadina u er il Partenz in minus da fin 9%.
RR novitads 10:00
