Siglir tar il cuntegn

Header

video
Cas da direzza: Credit vegn augmentà
Or da Telesguard dals 22.01.2021.
laschar ir. Durada: 1 minuta 51 Secundas.
cuntegn

Cas da direzza I duai vegnir gidà pli spert e pli simpel

Cun 500 cas da direzza aveva il chantun atgnamain quintà. Uss ch’il Cussegl federal ha puspè decidì in lockdown è la situaziun sa midada. La regenza grischuna quinta cun quatter giadas dapli interpresas che vegnan en las stretgas: Ella quinta cun 2'000 cas da direzza.

39 milliuns aveva la regenza quintà d’impunder per cas da direzza

Damai che la lungezza e quantidads dals lockdowns èn sa midads na tanscha quai ni davant ni davos. La regenza augmenta il credit sin 100 milliuns francs.

E bunamain tuttina impurtant sco ils daners è il proceder per las interpresas da survegnir agid finanzial che vegn simplifitgà.

Interpresas ch’han serrà pli che 40 dis valan da nov sco cas da direzza. Ellas ston be pli mussar ora ina sperdita da svieuta d'almain 15 pertschient.

audio
Corona e cas da direzza: Gidar pli spert e pli simpel
ord Actualitad dals 23.01.2021.
laschar ir. Durada: 2 minutas 7 Secundas.

A partir dad oz pon las interpresas tschentar la damonda per agid en cas da direzza. Marcus Caduff quinta che las emprimas interpresas survegnan daners gia la fin schaner u entschatta favrer.

Ils 100 milliuns che la regenza vul impunder per interpresas en las stretgas tanschian fin la fin da fevrer.

RTR actualitad 17:00

Artitgels legids il pli savens