Il Tribunal federal desista da metter a la Dretgira chantunala in termin per elavurar il cas Quadroni. Ella stoppia dentant immediat decider en chaussa. Concret vai per il dretg da tgira per ses uffants suenter la separaziun da sia dunna.
Segund lavachau per la Dretgira chantunala
Il Tribunal federal aveva gia l'avrigl approvà in plant correspundent da Quadroni. Gia lura aveva il Tribunal decis ch'ins avess gia savì decider l'avust 2019 en chaussa. La dretgira da l'Engiadina Bassa/Val Müstair aveva sco emprima instanza gia decis l'entschatta december 2018.
Dapi l'emprim plant n'haja la Dretgira chantunala dentant «fatg nagut per terminar la procedura» ha communitgà il Tribunal federal.
Dretgira sto far vinavant
La Dretgira chantunala ha bain fatg attent ils derschaders a Losanna, ch'i dettia gia ina decisiun, quella n'hajan ins dentant anc betg communitgà a las partidas. Quella decisiun n'haja dentant anc betg vigur legala, ha argumentà il Tribunal federal.
Losanna pretenda da Cuira ch'i vegnia uss fatg vinavant en chaussa. Er perquai che la decisiun pertutga uffants.