Siglir tar il cuntegn

Header

Purtret d'in um che tira si ina squitta cun il vaccin da corona.
Legenda: L'Uffizi federal da sanadad n'ha betg pudì furnir tantas dosas da vaccinar sco empermess. Keystone
cuntegn

Chantun en las stretgas Survegnì in quart damain dosas da vaccin

L'Uffizi federal da sanadad BAG ha dà al Grischun in quart damain dosas da vaccin che empermess. Empè da passa 31'000 dosas haja il Grischun survegnì be 23'000 dosas, communitgescha l’Uffizi da sanadad grischun.

Perquai ch'il vaccin manca actualmain, haja il plan da vaccinar retard. Da las 17'000 persunas ch'èn s'annunziadas per laschar vaccinar, hajan uschia passa 11'500 anc insumma nagin termin. A persunas che hajan gì in termin fix, hajan ins stuì stritgar e spustar quel.

Gia vaccinadas encunter il coronavirus sajan fin uss bunamain 10'000 persunas en il Grischun. La gronda part, radund 73%, ha passa 60 onns u appartegnan a la gruppa da risico da persunas cun malsognas cronicas.

En pli accentuescha l'uffizi da sanadad chantunal ch'il program da vaccinar en las chasas da tgira e d'attempads saja bunamain terminà.

Problem cun il sistem d'annunzia da la Confederaziun

Raschun per l'entir retard è il sistem d'annunzia dal BAG. Durant ils emprims dis hai dà problems cun parter tiers ils termin, uschia ch'i n'haja betg funcziunà da dar ils termins tenor la successiun sco las annunzias sajan vegnidas en. Il chantun deploreschia quai, ma n'haja sez nagina influenza sin il sistem. Ma la Confederaziun saja vid schliar il problem.

RTR novitads 12:00

Artitgels legids il pli savens

Scrollar a sanestra Scrollar a dretga