Siglir tar il cuntegn

Header

audio
SeniorAs ed advent: Uschia è la situaziun en chasa da tgira
Or da Actualitad dals 16.12.2020.
laschar ir. Durada: 3 minutas 5 Secundas.
cuntegn

Chasas d'attempads Er cun corona mantegnair la tempra da Nadal

Actualmain è la situaziun tut autra che simpla en las chasas d'attempads. In zic Nadal na dastga però betg mancar.

En las chasas d'attempads emprovan ils collavuraturs e las collavuraturas da tuttina far in zic tempra da Nadal – er durant la pandemia. Saja quai cun pitschnas activitads, concerts ch'ils attempads pon guardar da fanestra or u decoraziuns.

Nus stuain proteger noss abitants dad ina infecziun. Ma nus na pudain betg isolar els.
Autur: Jean-Pierre Liesch Manader Kantengut Cuira

Karin Luzio organisescha activitads en il Center da sanadad a Savognin per ils seniors surmirans. Uss, cura che tut è restrenschì saja anc pli impurtant che las cussadentas ed ils cussadents pon sa divertir a moda confurma.

audio
SeniorAs ed advent: Karin Luzio ch'organisescha activitads en il Center da sanadada a Savognin
ord Actualitad dals 16.12.2020.
laschar ir. Durada: 8 minutas 44 Secundas.

Recept da momas da Karin Luzio-Kopp

Avrir la box Serrar la box

Momas da vin

  • 500g zutger
  • 1dl vin cotschen
  • 2 tschaduns gronds (tg) pulvra da tschigulatta
  • 1 tschadun pitschen (tp) scorsa-chanella
  • 1 presa groffels mieuts

maschadar bain

  • 500g farina
  • 1/2 satget pulvra da levon

La pasta na duess betg esser memia dira, laschar pussar in'ura.

Rasar or 1 cm gross e far furmas radundas cun in magiel. Metter sin palpiri da coier e laschar pussar in mument en il frestg.

Coier 20 min. sin 160°C

Visitas durant il temp da Nadal èn la sfida

Gist durant quest temp, cur che blers s'inscuntran cun lur famiglias, sajan las mesiras actualas ina sfida. Mintga chasa d'attempads ha ses agen concept da segirezza che vala actualmain per visitaders e bleras chasas d'attempads èn vid elavurar concepts che valan en spezial per il temp da Nadal.

RTR actualitad 08:00

Artitgels legids il pli savens