Siglir tar il cuntegn

Header

audio
Tests da massa: Tge stoss jau resguardar?
Or da Co e cum dals 10.12.2020.
laschar ir. Durada: 05:40 minutas.
cuntegn

Co funcziunan tests da massa? Da l'annunzia enfin al resultat

Dapi mesemna pon ins s'annunziar per ils tests da massa da corona. Qua declerain nus pass per pass tge ch'ins sto far.

Enfin gievgia da mezdi sajan gia 6'000 persunas da las regiuns Engiadina, Val Müstair, Malögia e Bernina s'annunziadas per ils tests da massa, ch'han lieu la fin d'emna en las vischnancas da questas regiuns. La finamira saja dentant, da survegnir 20'000 tests per uschia pudair guardar co ch'il virus sa derasa. Vinavant vulan ins savair, quant auta che la cifra naira da persunas è, che han bain il virus dentant nagins sintoms.

Uschia pon persunas s'annunziar per il test:

  • Ils tests han lieu a partir dals 11 enfin ils 13 da december mintgamai da las 08:00 enfin las 18:00. Il test è voluntari, gratuit e cuzza var 15 minutas. La survista dals lieus chattais qua:
  • Sin il medem link pon ins er s'annunziar online per il test. Là as tschenta or in formular cun num, numer da telefon sco era il giavisch da temp. Sco conferma survegnan ins in QR-Code, ch'igl è ensemen cun ina carta d'identitad da purtar al test.
  • Persunas che na pon betg s'annunziar online pon er telefonar a la hotline sut 081 254 16 00 ubain dumandar la vischnanca.
  • Er visitaders spontans pon cun ina carta d'identitad far il test, quai dentant be sch'ils centers han avunda capacitads. I vegn recumandà da s'annunziar.
  • En il center vegn lura controllà l'identitad e silsuenter fatg in test svelt cun prender in'emprova da secret or dal nas.
  • Suenter 15 fin 30 minutas as retschaiva lura in SMS cun il resultat. Negativ, positiv ubain nunexact.
  • Sch'il resultat è nunexact vegn recumandà da repeter el. Sch'el è positiv suondan informaziuns tar l'isolaziun e sch'el è negativ valan er vinavant las mesiras da schurmetg sco tegnair distanza, purtar la mascrina e lavar ils mauns, cunquai ch'il test è be ina registraziun d'ina situaziun momentana.

RTR «Co e cum» 11:45

Artitgels legids il pli savens

Scrollar a sanestra Scrollar a dretga