Digitalisaziun, colliaziun en ina rait e biblioteca sco lieu d'inscunter. Quai èn ils puncts centrals per il svilup da las bibliotecas grischunas tenor il nov maletg directiv surlavurà, che remplazza il document da l’onn 2000.
Il «Concept bibliotecas Grischun» mussa las responsabladads da bibliotecas, vischnancas ed il chantun – quai che pertutga ils fatgs bibliotecars en il Grischun, sco la Biblioteca chantunala scriva. El prevesa che las 65 bibliotecas grischunas coordineschan lur purschidas e servetschs. E per nizzegiar sinergias saja da furmar raits.
Ina ulteriura finamira dal concept è da promover il diever da novas tecnologias en las bibliotecas. Uschia vulan las bibliotecas grischunas esser fittas per ils basegns da la societad.
audio
Per tadlar curt e cumpact
ord Novitads dals 11.03.2020.
Maletg: RTR
laschar ir. Durada: 3 minutas 17 Secundas.
