Siglir tar il cuntegn

Header

purtret d'uffants en in champ da vacanzas.
Legenda: Keystone
cuntegn

Concepts da segirezza Per champs na dovri nagina permissiun pli

Per organisar champs da scola, sport, cultura e temp liber en il chantun Grischun na dovri betg pli ina permissiun. A partir dals 31 da matg vala mo pli l'obligaziun d'annunzia. Uschia vegnia cuntanschì ch'il contact tracing possia vegnir garantì en cas d'ina erupziun da Covid‑19. Quai communitgescha la chanzlia chantunala.

Per champs d'uffants e giuvenils na vala era nagina limitaziun dal dumber pli. Per tut ils auters champs valan las limitas da la Confederaziun. Actualmain èn quai 50 persunas.

Tests negativs vinavant necessari

Per sa participar ad in champ èsi vinavant necessari da mussar avant in test da corona negativ. Ils resultats na pon betg esser pli vegls che 72 uras. Sch'ins stat dapli che trais notgs èsi plinavant da far in ulteriur test. Per far quai pon ins da nov er duvrar ils autotests, pia quels ch'ins po far sez.

audio
Per tadlar curt e cumpact
01:05 min, RTR Audio dals 28.05.2021.
laschar ir. Durada: 01:05 minutas.

RTR novitads 09:00

Artitgels legids il pli savens

Scrollar a sanestra Scrollar a dretga