Siglir tar il cuntegn

Header

audio
Co retrair ils dis libers sco bab d'in novnaschì?
Or da Co e cum dals 06.01.2021.
laschar ir. Durada: 04:12 minutas.
cuntegn

Congedi da paternitad Co retrair ils dis libers sco bab d'in novnaschì?

Ils babs da quest onn pon sa legrar. Dapi l’emprim da schaner datti duas emnas congedi da paternitad. Mo co èsi da retrair quels dis?

Il 27 da settember 2020 ha il suveran svizzer acceptà l’iniziativa che lubescha ils babs da retrair duas emnas pajadas per giudair il temp cun l’uffant novnaschì. Sco in dals davos pajais en Europa è quai ussa era vegnì fixà en la lescha federala.

Co retrair ils dis libers?

Sch’in um è emploià, lura ha el d’annunziar quai tar la cassa da cumpensaziun dal Grischun via il patrun da lavur. Ils daners survegn el lura cun la proxima paja mensila dal patrun da lavur. Sche l'um lavura independentamain, è senza lavur ni è invalid – po el directamain s'annunziar e retrair ils daners via la cassa da cumpensaziun. Sco bab da l’uffant èsi d’annunziar ils dis libers entaifer ils emprims sis mais suenter la naschientscha.

Quants daners datti?

Durant il congedi da paternitad survegn il bab 80% da la paja mensila. Il medem vala per las persunas che lavuran independentamain, dentant là valan las entradas annualas sco basa da calculaziun. En mintga cas è la premia maximala ch’ins po retrair fixà tar 196 francs a di.

Exempel per calcular l’indemnisaziun per emploiads

Plunas da munaida.
Legenda: Keystone

Exempel: Paja mensila sut 7'350 CHF

  1. Paja mensila: 5'250 CHF
  2. 80% da la paja mensila: 4'200 CHF ni 140 CHF a di.
  3. Resultat: Ins retira 140 CHF a di.

Exempel: Paja mensila sur 7'350 CHF

  1. Paja mensila: 8'000 CHF
  2. 80% da la paja mensila: 6'400 CHF ni 213 CHF a di.
  3. Ils 213 CHF a di surpassan la premia maximala da 196 CHF a di.
  4. Resultat: Ins retira 196 CHF a di.

Tuttas previstas 2021 sin in'egliada

Personen-Box aufklappenPersonen-Box zuklappen

RTR actualitad 11:00

Artitgels legids il pli savens

Scrollar a sanestra Scrollar a dretga