Siglir tar il cuntegn

Header

audio
Lescha da dronas – Quai pudess sa midar il 2021
Or da Co e cum dals 05.01.2021.
laschar ir. Durada: 06:20 minutas.
cuntegn

Co e cum Lescha da dronas - Tge èsi da resguardar en il futur?

Tgi che sgola ina drona sa ch’ins ha da resguardar ina pluna prescripziuns. Il 2021 duess la lescha da dronas anc in giada sa midar. Ils puncts impurtants en survista.

Ins n'ha betg dad esser in pilot d’in eroplan per manischar ina drona. Tuttina po ina drona spert daventar privlusa – per exempel sche quella croda giu dal tschiel. Pervia da quai ha la Svizra ina lescha da dronas. L’onn 2021 vegn quella adattada.

L'UE cumanda

Entras ils contracts bilaterals è la Svizra obligada da surpigliar las novas reglas d’aviatica da l’Uniun europeica. Quai vala era per la lescha da dronas. Las novas reglas previsas en survista:

  • L’autezza maximala per sgular sa reducescha da 150 sin 120 meters.
  • La vegliedetgna minimala da manischar ina drona è 12 onns.
  • En la categoria da dronas pitschnas tutgan tuttas dronas cun ina paisa maximala da 250 grams. Avant èn quai stads 500 grams.
  • Da nov ston ins sa registrar sco pilot da dronas sin ina pagina uffiziala ed obtegnair in certificat online sch'ins ha ina drona che paisa dapli che 250 grams.
  • Dronas che paisan pli pauc che 250 grams, però han ina camera ston medemamain vegnir registradas

Cura che la nova lescha va en vigur n’è betg anc cler, perquai ch’i dat actualmain anc dispitas davart ina part da la nova lescha che pertutga il manischar d’eroplans da model. Cun ina moziun en il parlament svizzer vulan intgins politichers cuntanscher – che quai segment na vegn betg prescrit da l’Uniun europeica. Actualmain è la Svizra en consultaziun cun la cumissiun europeica.

Tuttas previstas 2021 sin in'egliada

Avrir la boxSerrar la box

RTR actualitad 11:00

Artitgels legids il pli savens

Scrollar a sanestra Scrollar a dretga