Siglir tar il cuntegn

Header

video
Ils emprims dis dal vaccinar en il Grischun èn reussids, di la media chantunala Marina Jamnicki.
Or da Telesguard dals 07.01.2021.
laschar ir
cuntegn

Corona en il Grischun I va plaun plaunet vinavant cun il vaccinar en il Grischun

Fin la mesemna saira han 245 persunas en chasas d'attempads survegnì l'emprima dosa da vaccin. Il Grischun è actualmain en possess da vaccin per 1'300 persunas.

Las emprimas persunas che han survegnì ils ultims dis la vaccinaziun cunter il coronavirus èn cussadents da chasas da tgira. I giaja dentant mo plaunet vinavant cun las vaccinaziuns, cunquai ch'il sforz è fitg grond da pudair ir en las chasas d'attempads a dar il vaccin.

Il Grischun ha actualmain vaccin che tonscha per vaccinar 1'300 persunas. Mintga duas emnas survegn il chantun 3'000 ulteriuras dosas dal vaccin da la firma Biontech Pfizer. Co la situaziun areguard vaccins dad autras firmas è, na sa il chantun betg.

Dis da festa quiets

Il Grischun ha dumbrà ils dis da Nadal e sur la midada da l'onn enturn 100 cas a di, u schizunt pli paucs. Quai èn damain che quai che la media chantunala, Marina Jamnicki aveva quintà.

Ils pli blers cas sur ils dis da festa en il Grischun – hai dà ils 29 da december cun 119. Ils pli paucs ils 27 da december, cun 26 novas persunas infectadas.

RTR novitads 12:00

Artitgels legids il pli savens

Scrollar a sanestra Scrollar a dretga