Siglir tar il cuntegn

Header

video
Ord Tagesschau: Vaccinar uffants e giuvenils cunter Covid-19
Or da Tagesschau dals 27.06.2021.
laschar ir
cuntegn

Covid-19 Vaccinanziun per giuvenils a partir da 12 onns

A partir d'immediat pon tut ils giuvenils a partir da 12 onns s'annunziar per la vaccinaziun cunter corona. Ella vegn recumandada a tut ils giuvenils da 12 fin 15 onns che vulessan sa laschar vaccinar per sa proteger cunter ina infecziun.

Recumandada vegn la vaccinaziun cunzunt a giuvenils che han gia ina malsogna cronica e che vulessen impedir tant sco pussaivel mintga ulteriura infecziun. Sco vaccin cunter Covid-19 per giuvenils a partir da 12 onns è admess en Svizra mo il vaccin da Pfizer/Biontech. Quel vegn il mument applitgà sulet en la halla da la citad a Cuira.

Sco quai ch'il chantun communitgescha, haja l'Uffizi da sanadad er lantschà ina campagna per motivar uschè bleras persunas sco pussaivel da sa laschar vaccinar.

Campagna chantunala da communicaziun

Fin ussa èn vegnidas injectadas en il Grischun passa 156'000 vaccinaziuns cunter corona. Per motivar en il chantun Grischun er vinavant uschè bleras persunas sco pussaivel da sa laschar vaccinar ha l'Uffizi da sanadad lantschà ina campagna da communicaziun. Quella cumplettescha la campagna d'infurmaziun currenta da la Confederaziun.

RTR novitads 14:00

Artitgels legids il pli savens

Scrollar a sanestra Scrollar a dretga