Siglir tar il cuntegn

Header

cuntegn

Pfizer/Biontech Swissmedic lubescha vaccin a partir da 12 onns

En l'avegnir pon er ils giuvenils tranter 12 e 15 onns en Svizra sa laschar vaccinar encunter corona cun il vaccin da Pfizer/Biontech. Swissmedic ha venderdi dà glisch verda, sco quai che l'institut communitgescha.

Swissmedic ha examinà l'extensiun sin questa gruppa da vegliadetgna. Er persunas a partir da 12 onns stoppian vegnir vaccinadas duas giadas. Il studi en questa gruppa haja mussà ina efficacitad da var 100%.

Ina dumonda averta è tge che capita sch'ils geniturs vulan laschar vaccinar lur uffants, ils uffants refusan dentant quai. Tenor il BAG saja decisiva en in cas da conflict l'abilitad da giuditgar dals giuvenils.

Reacziuns secundaras

En Svizra hai dà fin ils 2 da zercladur 2'700 annunzias davart reacziuns secundaras sin il vaccin da corona. En ils pli blers cas, numnadamain 1'750 n'eran las reacziuns betg gravantas. En 950 cas, 35%, han ins giuditgà la reacziun sco gravanta, ha communitgà Swissmedic, l'Institut svizzer per products teraupeutics. En general èn las dunnas pli savens pertutgadas d'effects secundars ch'ils umens. Vitiers hai dà pli savens reacziuns secundaras suenter la vaccinaziun cun il med da Moderna che cun quel da Pfizer/Biontech.

RTR novitads 16:00

Artitgels legids il pli savens