Siglir tar il cuntegn

Header

persunas.
Legenda: Il public na po quest onn betg tadlar als texts litteras dals scripturs rumantschs. RTR.
cuntegn

Dis da litteratura Il palc impurtant da la litteratura rumantscha manca

Quest onn na datti nagins Dis da litteratura rumantschs. Per ils scripturs rumantschs èn quai schlettas novitads, cunquai ch’igl è per blers in highlight da l'onn.

Normalmain èn ils Dis da litteratura a Domat in lieu per celebrar nova litteratura rumantscha, manar discurs interessants e sa laschar inspirar da texts poetics. Quest onn resta il palc dentant vid, pervia da la pandemia da corona.

Inscunter cun amis ed amias

Blers scripturs stiman vid ils Dis da litteratura che la scena litterara vegn ensemen en in lieu per celebrar la litteratura rumantscha. La scriptura Gianna Olinda Cadonau ch’è oriunda da Scuol, avess prelegì or da ses nov cudesch «Pajais en uondas». Ella declera ch’igl è donn da betg pudair survegnir inputs u feedbacks. Cunquai che l’entira scena litterara ed era il public interessà fiss stà là, fiss ella sa legrada dad udir las opiniuns dad auters.

Il lieu per reclama

Gist avant in per mais è l’emprim cudesch «La feglia dal fraissen» da Viola Cadruvi vegnì publitgà. Atgnamain avess ella pudì preleger or da quel als dis da litteratura. Ella declera ch’ils dis da litteratura fissan stads impurtants per derasar il nov cudesch e da vender intgins exemplars. Ils dis da litteratura sajan tranter auter in lieu per pudair far reclama per sasez.

Quai è ina plattafurma enorma che manca simplamain ussa a nus.
Autur: Viola CadruviScriptura

Deplorablamain giaja quai uss da l’aua giu. Uschia ch’ella stoppia chattar autras vias, co far attent la glieud sin ses cudesch. Ella po s’imaginar da far quai a moda digitala cun prelecziuns via internet – schegea che quai na saja betg il medem sco esser tar la glieud en ils vitgs.

video
Martin Cantieni ha gudagnà il Premi Term Bel che ha gì lieu digital
Or da Telesguard dals 09.11.2020.
laschar ir

RTR actualitad 07:00

Artitgels legids il pli savens

Scrollar a sanestra Scrollar a dretga