Siglir tar il cuntegn

Header

purtret dal logo dal RAV.
Legenda: Keystone
cuntegn

Dischoccupaziun mars In zic damain dischoccupads che l'onn passà

In zic damain dischoccupads en il Grischun. Il mars n'avevan 1998 persunas nagina lavur en noss chantun – il mars da l'onn passà aveva cumenzà là la crisa da corona cun serradas pervi dal lockdown.

La quota da dischoccupaziun è quest mars tar 1,8%. Il mais favrer eran 2'184 persunas stadas senza lavur. Da las persunas senza lavur il mars 2021, eran 700 dunnas e 1'298 umens. Las pli autas cifras da dischoccupaziun han gì la gastronomia (483), la branscha da construcziun (473), il commerzi en detagl (130), branschas da sanadad e social (110) sco er traffic e transport (93).

Lavur curta en Grischun

Il mais da mars han 1'949 manaschis survegnì incumbensaziuns da lavur curta. Cumpareglià cun il mais avant 1'787 manaschis è il dumber s'augmentà. Questas cifras na lubeschan dentant betg ina vista exacta sin la situaziun effectiva da manaschis en lavur curta, perquai ch'ils manaschis han mintgamai temp trais mais da far valair lur dretg per lavur curta tar las differentas cassas da dischoccupaziun.

Situaziun en Svizra

En l'entira Svizra è il dumber da dischoccupads pli aut ch'il mars dal 2020. Da l'onn passà 135'624 persunas dischoccupadas è il dumber creschì sin 157'968 persunas che n'han nagina lavur. Quai correspunda ad ina quota da 3,4% cumpareglià cun 2,9 avant in onn.

Cumpareglià cun il favrer dal 2021 è la quota dentant sa sbassada da 3,6% giu sin 3,4%.

audio
Per tadlar curt e cumpact
01:05 min, RTR Audio dals 09.04.2021.
laschar ir. Durada: 01:05 minutas.

RTR novitads 08:00

Artitgels legids il pli savens

Scrollar a sanestra Scrollar a dretga