Siglir tar il cuntegn

Header

purtret d'ina broschura dal RAV.
Legenda: Quest onn èn passa 700 persunas dapli stadas il schaner senza lavur. Keystone
cuntegn

Dischoccupaziun schaner 2021 Dumber è s'augmentà levamain

Cumpareglià cun il december è il dumber s'augmentà be levamain. Cumpareglià cun l'onn avant ha il Grischun radund in terz dapli dischoccupads.

En il Grischun è il dumber da dischoccupads s’augmentà il schaner levet sin 2’235 persunas cumpareglià cun il mais avant 2'165. Quai correspunda ad ina quota da dischoccupaziun da 2%. Quai scriva l'Uffizi per industria, mastergn e lavur dal Grischun. Il pli grond dumber da dischoccupaziun ha nudà l’industria da construcziun. En tut han bunamain 840 manaschis en il Grischun survegnì indemnisaziuns per lavur reducida.

Cumpareglià cun il schaner 2020 ha il Grischun 757 persunas dischoccupadas dapli. La quota era avant in onn tar 1,3.

Quota svizra il mument tar 3,7%

En l’entira Svizra èn stadas 169'753 persunas senza lavur il schaner. Quai correspunda ad ina quota da dischoccupaziun da 3,7%, sco il Secretariat da stadi per l'economia SECO scriva.

RTR novitads 09:00

Artitgels legids il pli savens

Scrollar a sanestra Scrollar a dretga