Siglir tar il cuntegn

Header

cuntegn

Dismetter rument Las deponias visiblas na datti strusch pli

Pli da baud aveva mintga vischnanca ina deponia da rument da chasa. Quella sa chattava en la vischinanza dal vitg e tut quai che na vegniva betg pli duvrà vegniva deponì là. Bain na deva quai betg plastic e betg tant rument sco ozendi ils onns 50 e 60 dal tschientaner passà. Tuttina na vesevan quellas betg grad ora bain ed era per l’ambient n’era quest sistem da dismetter rument betg ideal.

Cumpetenzas en auters mauns

Las cumpetenzas da dismetter il rument, surtut quel da chasa, èn dapi circa ils onns 1980 en ils mauns da las regiuns. Uschia han lezzas da rimnar quels e da transportar els en ina deponia per pudair brischar il rument. Ins sto differenziar tranter differents tips da deponias. Il tip A è il pli derasà en il chantun. Quai èn las deponias, nua che material da stgavaments po vegnir deponì. Talas deponias datti circa 100 en il chantun. Il tip B è era per material dal bajetg, da reconstrucziuns che na po betg vegnir duvrà pli.

Sulet trais deponias per deponer las restanzas dal rument da chasa

Sulet la tschendra e las luadiras vegnan be pli deponidas en deponias che vegnan era survegliadas permanent. En il Grischun datti sulet trais lieus, nua che quai vegn fatg. Ina deponia è a Cazas, ina a Rueun Plaun Grond ed ina a Lostallo. A Bever en l’Engiadina dessi actualmain ina lubientscha per ina deponia, ma fin uss n’è quella betg vegnida bajegiada. Qua po vegnir deponì material che resta, suenter ch’il rument è brischà. Ils ulteriurs tips da rument, pia material contaminà chemic ed auter, pon sulettamain vegnir deponids a Rueun.

L’idea è da reciclar uschè bler sco pussibel

Dapi intgins onns è la devisa tut quai che po vegnir duvrà vegn anc ina giada duvrà e reciclà. Uschia datti in ciclus da tut las materias e tut quai che vegn duvrà, duai vegnir duvrà. Surtut era las materias raras ch'èn per exempel en l'electronica.

RTR actualitad 06:00

Artitgels legids il pli savens

Scrollar a sanestra Scrollar a dretga