4'068 persunas èn s'infectadas da venderdi fin dumengia da nov cun il coronavirus en Svizra ed il Pinrcipadi dal Liechtenstein. Sco l'uffizi federal per sanadad BAG communitgescha sajan vegnids registrads entaifer quels 3 dis 7 novs mortoris. 70 persunas han stuì ir en l'ospital. La media dals ultims 7 dis è cun quai tar 1'070 ed è creschì per 153%.
Il glindesdi passà aveva il BAG annunzià 1'548 novas infecziuns cun il coronavirus, avant duas emnas 782 novas infecziuns en trais dis. Dapi quatter emnas dat il BAG be pli ora las cifras sur fin d'emna communablamain. Il dumber da cas da mintga singul di, na dettian betg ina buna survista da la situaziun. I saja meglier d'observar la situaziun dad emna ad emna.
En il Grischun datti actualmain 139 cas activs. 15 infecziuns novas èn vegnidas vitiers dapi dumengia. 953 persunas èn en quarantina e duas en ospital. Total hai dà en Grischun 1'259 cas confermads da corona.
