Ils emprims nov mais da quest onn ha la EMS-Chemie fatg ina svieuta netta dad 1,67 milliardas francs. Quai è ina reducziun per 5,4% cumpareglià cun il medem temp da l'onn avant, cura che la svieuta aveva muntà ad 1,77 milliardas.
Sco raschun per quest svilup negativ numna l'interpresa la sminuziun da la conjunctura mundiala. Pervi dals conflicts economics tranter divers pajais saja la prontezza da consumar e d'investir sa reducida marcantamain. Cunzunt en l'Europa ed en la China, ma er en ils Stadis Unids possian ins constatar emprims segns da malsegirezza.
Per l'entir onn 2019 quinta la EMS-Chemie vinavant cun in resultat da gestiun sin nivel da quel dal 2018. Sco che la svieuta pli bassa influenzescha il resultat da gestiun suenter nov mais n'è betg enconuschent. La EMS publitgescha numnadamain be suenter in mez onn ed a la fin da l'onn er il resultat.
Ord l'archiv:
Il 2017 aveva la EMS-Chemie fatg gudogns da record.
RR novitads 08:00
