Il svilup economic en las regiuns muntagnardas duai vegnir sustegnì pli fitg:
Il management regiunal dal Grischun mussa in effect manglus cun il concept vertent (management regiunal 2016+).
Perquai veglia la regenza chantunala midar las structuras. Co ch'ella vul far quai scriva ella en il sboz per la revisiun parziala da la lescha per promover il svilup economic en il chantun – e quest sboz è uss ì en consultaziun. Quai scriva la regenza en ina communicaziun a als medias.
Cun quai ch'il concept actual n'ha betg l'effect giavischà, veglia la regenza uss far il management regiunal pli effizient ed effectiv per che las regiuns vegnian sustegnidas pli fitg tar lur sfidas.
Per far quai propona la regenza duas variantas:
- Ina è la «regiunalisaziun cun fin ad 11 posts da sviluppaders regiunals en las regiuns».
- La segunda – e quella che la regenza preferescha – è la «chantunalisaziun cun lieus decentrals». Tar questa varianta lavurian ils sviluppaders regiunals bain en las regiuns, sajan dentant emploiads dal chantun e suttamess a l'Uffizi per economia e turissem chantunal. Quests sviluppaders regiunals lavurassan lura en 5 lieus, ma l'infrastructura fiss messa a disposiziun dal chantun.
La consultaziun dura fin ils 4 d'october da quest onn.
RR novitads 10:00
