Siglir tar il cuntegn

Header

cuntegn

Economia patescha da corona Regenza pretenda agid coordinà tranter Berna e chantuns

L'agid finanzial per l’economia en connex cun la pandemia dovria ina coordinaziun tranter chantuns e Confederaziun. Quai scriva la regenza grischuna. E per ils custs haja num da chattar ina repartiziun gista.

En emprima lingia saja dentant da prender en mira soluziuns sin plaun naziunal, che vegnian cunfinanziadas da la Confederaziun. Vias singularas d’in chantun, u mesiras betg coordinadas cun Berna – na sajan betg effectivas. Talas refusia il chantun, scriva la regenza grischuna vinavant.

Gidar custa

Il quint chantunal 2020 vegn tenor las conuschientschas actualas engrevgià cun 65 milliuns francs, pervia da la pandemia. E per l’onn current quinta il Grischun cun grevezzas supplementaras d'enturn 90 milliuns francs. Da quai èn circa 50 milliuns francs perditas da taglia da l'onn fiscal 2020.

Ils 28 da december aveva il Telesguard infurmà:

video
Economia: Dumondas per cas da direzza pon uss vegnir inoltradas
Or da Telesguard dals 28.12.2020.
laschar ir

RTR novitads 15:00

Artitgels legids il pli savens

Scrollar a sanestra Scrollar a dretga