Il concern d'energia grischun Repower ha quasi pudì dublegiar ses gudogn operativ l'onn passà. Quai cun in plus da passa 80% sin 65 milliuns francs.
La raschun principala per l'augument saja ina giada dapli il martgà en l'Italia sco er il commerzi d'energia en Svizra, hai num en la communicaziun.
Actualmain saja il concern sco blers auters er confruntà cun intschertezzas economicas pervia dal coronavirus. In'ulteriura sfida sajan ils pretschs bass d'energia. Perquei quinta il concern d'energia per il 2020 cun in gudogn operativ pli bass ch'il 2019.
Buna producziun d'energia idraulica
Il 2019 haja la Repower pudì augmentar per 10% la producziun d'energia idraulica en Svizra, quai cumpereglià culs onns avant. Bia plievgia en il Partenz ed il Puschlav haja levgià questa producziun.
