Siglir tar il cuntegn

Header

Vista en in studio.
Legenda: La Lia Rumantscha recloma: Sclauder il rumantsch na va betg. Keystone
cuntegn

Emblidà il rumantsch Plurilinguitad senza rumantsch – la Lia Rumantscha recloma

La Lia Rumantscha intervegn tar il Servetsch da mediaziun da la SRG SSR Svizra tudestga. Raschun è l'emissiun «Tagesgespräch» dals 8 da fanadur sin Radio SRF, scriva la Lia en ina communicaziun. L'emissiun ha tematisà la plurilinguitad da la Svizra. Il rumantsch, ina da las quatter linguas naziunalas, n'è dentant betg vegnì menziunà.

Repetidamain han las participantas ed ils participants dal discurs enumerà il tudestg, il franzos ed il talian en exempels tipics per la Svizra tudestga, la Svizra franzosa ed il Tessin. Il rumantsch percunter n’è vegnì menziunà gnanc ina giada en l’emissiun da var 17 minutas.
Autur: Andreas Gabrielmanader Affars publics da la Lia Rumantscha

Plinavant saja sulet il Tessin vegnì duvrà sco sinonim per il territori linguistic talian. Ma er en Grischun datti territoris italofons.

Uss prenda il servetsch da mediaziun per mauns la reclamaziun

Uss s'occupa il servetsch da mediaziun da la SRG SSR dal cas. El controlla, sche las renfatschas da la Lia èn giustifitgadas e dumonda a la redacziun dal Tagesgespräch da prender posiziun. Il pli tard en 40 dis publitgescha il servetsch, sch'els sustegna u sch'el renviescha la reclamaziun.

La Lia Rumantscha sa basa en sia reclamaziun sin dus pitgas:

Textbox aufklappenTextbox zuklappen

La Lescha federala davart radio e televisiun (LRTV) pretenda «ch’ils fatgs vegnian preschentads a moda adequata.» En pli saja renconuschì il rumantsch dapi il 1938 sco ina da las quatter linguas naziunalas.

Per tadlar curt e concis:

RTR novitads 11:00