Siglir tar il cuntegn

Header

purtret d'ampulla
Legenda: Reuters
cuntegn

En l'ospital Dus cas da Corona en il Grischun

En il chantun Grischun èn confermads dus cas da Corona. Las persunas mussian sintoms, sajan dentant en in bun stadi da sanadad. Ellas sa chattan en l'ospital e vegnan tractadas. Sco quai che Daniel Koch da l'Uffizi federal da sanadad ha ditg sin dumonda sa tractia da dus confamigliars. Dapli n'ha el betg ditg en connex cun ils cas en Grischun. Il chantun Grischun è en stretg contact cun l'Uffizi federal da sanadad (BAG).

Mesiras pervi dal virus

Il mument n'ha il chantun anc introducì naginas mesiras spezialas pervi dal virus da Corona. La Confederaziun lantscha dentant ina campagna d'igiena, per che la derasaziun dal virus possia vegnir franada.

En il Grischun ha dentant l'interpresa gronda Hamilton ch'è savens en contact cun la China gia prendì mesiras per sa proteger:

Gia ulteriurs dus cas en Svizra

En Svizra hai entant er dus auters cas da Corona. In en il chantun Tessin e l'auter en il chantun Genevra. Cun quai crescha il dumber total da resultats positivs en Svizra sin quatter.

Infurmaziuns per la populaziun

Tar return da l'exteriur:

Dumondas frequentas:

  • Infoline BAG 058 463 00 00
    (mintga di 06:00 – 23:00)

Ulteriuras infurmaziuns:

RTR novitads 11:00

Artitgels legids il pli savens

Scrollar a sanestra Scrollar a dretga