Siglir tar il cuntegn

Header

Eugen Arpagaus.
Legenda: Archiv RTR
cuntegn

Eugen Arpagaus Manader da l'Uffizi per economia e turissem mida tar Tecnoparc

Eugen Arpagaus, il manader da l’Uffizi per economia e turissem, banduna l’administraziun chantunala la fin da l’onn. L'um da 58 onns surpiglia il manaschi dal Tecnoparc a Landquart e quai gia l'entschatta dal 2021.

audio
Intervista cun Marcus Caduff
03:08 min, RTR Audio dals 18.11.2020.
laschar ir. Durada: 03:08 minutas.

Critica surtut da la politica

Sco schef da l'Uffizi per economia e turissem dal Grischun, è Eugen Arpagaus adina puspè stà confruntà cun critica, surtut da la politica. Pir questa stad hai puspè dà critica or dal Cussegl grond. L'Uffizi per economia e turissem na saja betg transparent, la situaziun saja mal-survesaivla e quai fetschia grev da controllar nua ch'ils daners publics vegnian investids. Marcus Caduff ha survegnì l'incumbensa da metter sin maisa in'analisa e da proponer mesiras per meglierar il manaschi.

audio
Reacziuns PS, PLD e PCD
00:28 min, RTR Audio dals 18.11.2020.
laschar ir. Durada: 00:28 minutas.

Tschertgà è ussa in nov schef per l'Uffizi per economia e turissem dal Grischun e quai gia sin il 2021. Quai pudess esser ina schanza per quietar la situaziun e depolitisar la promoziun da l'economia.

audio
Eugen Arpagaus va - ils motivs e las schanzas
04:03 min, Actualitad dals 18.11.2020.
laschar ir. Durada: 04:03 minutas.

RTR novitads 10:00

Artitgels legids il pli savens

Scrollar a sanestra Scrollar a dretga