Siglir tar il cuntegn

Header

cuntegn

Fundaziun Medias Rumantschas Bilantscha positiva suenter l'emprim onn da gestiun

En ses emprim onn d'existenza ha la Fundaziun Medias Rumantschas schlargià tant la collavuraziun cun autras chasas edituras, sco era il dumber da persunal. Quai scriva il cussegl da fundaziun en il rapport annual per l'onn 2020.

La FMR, la successura da l'Agentura da novitads rumantscha ANR, ha intensivà l'onn passà la collavuraziun cun RTR, Gammeter Media, Somedia ed Uniun Rumantscha da Surmeir.

Cun surpigliar novas incumbensas, en la redacziun e per coordinar il mintgadi, èsi stà necessari d'engaschar dapli persunal. Il dumber da collavuraturas e collavuraturs è creschì dad 11 sin 16. Il pensum d'engaschament era il december tar 1'235%.

Il quint 2020 da la FMR serra tar expensas da 1,75 milliuns francs cun in surpli d'entradas da passa 90'000 francs.

Ord l'archiv

A chaschun da sia emprima sesida formala ha il cussegl da fundaziun da la Fundaziun medias rumantschas (FMR) elegì David Truttmann sco schefredactur. Truttmann entra en il decurs da l'atun 2019 en ses nov uffizi.

video
David Truttmann - schefredactur da la FMR
Or da sil punct dals 06.08.2019.
laschar ir. Durada: 51 Secundas.

RTR novitads 06:00

Artitgels legids il pli savens