Cun questas restricziuns na possian ins betg realisar ina stagiun d'enviern ha ditg Caluori en in'intervista cun RTR. La decisiun dal Cussegl federal da serrar ustarias a partir da la saira a las 19:00 saja inacceptabla.
Er l’opziun ch’il chantun possia avrir restaurants suenter las 19:00 sche la valur dad r n’è betg sur 1 – è per Caluori betg propi cuntentaivla. Cun questas restricziuns stoppia la gastronomia grischuna quintar ch’ins possia pir avrir endretg il schaner puspè las portas.
«Collavuraziun n'ha betg funcziunà optimal»
Emprimas reacziuns datti era dals directurs e las directuras chantunalas da sanadad. Avant ils dis da festa dovria in act da forza communabel da la Confederaziun, ils chantuns e la populaziun. La collavuraziun tranter la Confederaziun ed ils chantuns n’haja numnadamain betg funcziunà optimal durant las ultimas emnas, ha communitgà la conferenza dals directurs e las directuras chantunalas da sanadad. L’agir da la Confederaziun possia chaschunar chaus cotschens – i saja dentant er cler, che las cifras en Svizra sajan memia autas.