Siglir tar il cuntegn

Header

audio
Ustarias pon puspè avrir dal tut
Or da Actualitad dals 26.05.2021.
laschar ir. Durada: 02:11 minutas.
cuntegn

Gastronomia grischuna levgiada Caluori: «Jau hai grond plaschair ch'igl è pussaivel dapli»

Franz Sepp Caluori, president da Gastro grischun discurra dad in grond pass per la branscha.

Il president da l'uniun Gastro grischun Franz Sepp Caluori è levgià ch'i returna puspè vita en las ustarias e bars. Gist per quels ch'hajan nagina terrassa u betg avert quella, saja quai uss in grond pass da pudair avrir il manaschi.

Jau hai grond plaschair, ch'igl è pussaivel dapli che spetgà. I fa er plaschair ch'il Cussegl federal ha resguardà ils resuns en la consultaziun.
Autur: Franz Sepp CaluoriPresident Gastro grischun

In'ulteriura buna nova saja che l'ura da polizia tranter las 11 la saira e la bun'ura las 6 vegni abolida.

Vinavant valan dentant las mesiras da tegnair distanza, purtar mascrina sch'ins na sesa betg e da registrar las datas da contact. Sin las terrassas dastgan da nov 6 persunas seser vid ina maisa, dadens vala ina limita da 4 persunas per maisa.

RTR actualitad 17:00

Artitgels legids il pli savens

Scrollar a sanestra Scrollar a dretga