La radunanza generala ha elegì la giuvna da 20 onns da Laax sco successura dad Uolf Candrian. Lez è stà sis onns a la testa da l'uniun.
Naomi Arpagaus è dapi trais onns suprastanta da la GiuRu e saja cunzunt activa en la promoziun dal scriver, communitgescha l'uniun. Ella frequenta la scola d'art a Berna, nua ch'ella studegia intermediaziun d'art e design. L'anteriur president, Uolf Candrian ha demissiunà suenter trais periodas d'uffizi sco president.
La radunanza generala da la GiuRu ha gì lieu quest onn l'emprima giada a moda digitala.
