Siglir tar il cuntegn

Header

cuntegn

HotellerieSuisse L'hotellaria ha patì pervia da corona

HotellerieSuisse ha publitgà il rapport annual per l'onn 2020. 23,7 milliuns pernottaziuns haja dà en Svizra durant l'onn passà, quai èn 40 pertschient damain giasts che il 2019. Tenor l'associaziun d'hotellaria è quai las pli pacas pernottaziuns dapi ils onns 50.

Cunzunt la mancanza da giasts esters e giasts da commerzi hajan chaschunà il regress istoric. Il sectur da giasts svizzers haja cun 9% pertschient dà in regress survesaivel. Durant ils mais da record da fanadur fin october hajan svizras e svizzers pudì cumpensar per part las perditas.

Il rapport menziunescha plinavant l'impurtanza economica. Dapli che la mesadad dals affars d'hotellaria hajan stuì far diever da credits da Covid-19 cun in volumen total da 5 milliardas francs. Durant ils mais mars fin matg 2020 sajan 62% dal persunal da hotellaria stà en lavur curta, durant ils mais november e december 3%. Cunzunt la hotellaria en las citads è pertutgada fermamain da la situaziun. Malgrà ch'il Grischun haja ils pli blers letgs, haja il chantun cun -9% be in relativ pitschen regress en cumparegliaziun cun las regiuns urbanas.

RTR novitads 17:00

Artitgels legids il pli savens

Scrollar a sanestra Scrollar a dretga