Siglir tar il cuntegn

Header

cuntegn

Chantun Il chantun Grischun daventa activ en il cas Panama Papers

Quai suenter ch’ins ha era chatta 17 cas en il Grischun.

Sco quai che la Südostschweiz rapporta cumparan sin la glista adressas da Grono Roveredo en il Mesauc, da Flem en la Surselva, da Tavau en il Partenz e da Celerina, Samedan, Pontresina e San Murezzan en l'Engiadin'Ota.

Chantun controllescha ensemen cun la federaziun ils cas

Il chantun Grischun è ussa era daventà activ, sco che la cussegliera guvernativa Barbara Janom Steiner ha confermà envers RTR. Els vegnan a controllar las decleraziuns da taglia da las persunas e firmas pertutgadas. Sch'ins chattia irregularitads, vegnan ins a far retschertgas pli grondas ensemen cun l’administraziun d’impostas federalas. Dentant na dettia betg acziuns spectacularas cun detectivs u sumegliant, accentuescha la cussegliera guvernativa.

bARBARA jANOM sTEINER
Legenda: Keystone
Be pervi che els vegnan avant en ils Panama Papers na vul quai betg dir che els han era fatg insatge illegal. Qua ston ins far adatg.
Autur: Barbara Janom Steiner Cussegliera guvernativa grischuna

«Deschset cas n’èn betg bler»

Che i vegn era a dar cas in Grischun è stà clar per Barbara Janom Steiner. Quest deschset cas na sajan ussa dentant in numer enorm. Tuttina vegn ins ussa ad evaluar pertge che quella glieud e numnada. Tar cas nua che firmas u persunas èn idas vias illegalas vegn il chantun grischun lura a reagir.

Banca Chantunala Grischuna na cumpara betg en la datoteca

Cuntrari a las bancas chantunalas da Basilea-Champagna e da Son Gagl n'è la Banca chantunala Grischuna betg numnada en connex cun las firmas da chaschas da brevs. Uschia ha rapportà la gasetta Südostschweiz la mesemna.

Ina menziun en la banca da datas na sto dentant betg muntar ina activitad illegala, punctuescha il collectiv da schurnalists che ha publitgà ils documents.

Las colliaziuns grischunas cun las firmas offshore

  • Schlarigna: 2 adressas
  • Flem: 1 adressa
  • Grono: 2 adressas
  • Puntraschigna: 1 adressa
  • Roveredo: 3 adressas
  • Samedan: 1 adressa
  • San Murezzan: 3 adressas
  • Tavau: 3 adressas

RR novitads 06:00

Artitgels legids il pli savens